A mina de Corcoesto suma 350.000 euros de subvencións en dous anos

A polémica mina de Corcoesto acumula 350.000 euros en subvencións públicas. E todo malia que aínda non se comezou a extraer o suposto ouro que alí repousa. O proxecto a ceo aberto en Cabana de Bergantiños continúa adiante co apoio incondicional da Xunta, que o considera un stratéxico, pero tamén dun Goberno central que foi quen lle concedeu a última axuda, de 150.000 euros. Concretamente, á empresa Mineira de Corcoesto SL, filial do grupo Edgewater, para a investigación complementaria co obxectivo de definir novas reservas mineiras e para realizar estudos de hidroxeoloxía e xeotecnica no xacemento de ouro.


Foi o pasado 14 de marzo cando o BOE publicou esta subvención, que se suma aos 200.000 euros do pasado 22 de marzo de 2012 a Río Narcea Gold Mines SL. Tamén para un proxecto de investigación complementaria co fin de definir novos recursos económicos e para realizar probas metalúrxicas e de previabilidade.


"Neste momento de aguda crise económica, onde se están pechando centros de saúde, afogando a educación pública e centenares de persoas viven a diario o drama dos desafiuzamentos, resulta difícil comprender como o Estado pode conceder semellantes privilexios a unha empresa canadense para un proxecto inviable", denunciou Salvemos Cabana, unha das varias plataformas contrarias a mina á ceo aberto, nun comunicado.

Noticia completa: http://praza.com/movementos-sociais/3909/a-mina-de-corcoesto-suma-350000-euros-de-subvencions-en-dous-anos/