O Goberno español ameaza con levar ao Constitucional a declaración de soberanía de CiU e ERC

"O que pretenden facer" -dixo este serán a vicepresidenta do Goberno do Estado, Soraya Sáenz de Santamaría na conferencia de imprensa após o Consello de Ministros- "non se pode facer".

"Que ninguén dubide que o Goberno fará cumprir a lei e a Constitución", engadiu, antes de advertir que o Executivo levará a Declaración de Soberanía ao Tribunal Constitucional.


Mentres, CiU e ERC tecen contactos co PSC, ICV e as CUP para artellar o maior consenso parlamentar posíbel arredor dunha Declaración que no seu primeiro epígrafe deixa sentado que "o pobo de Catalunya ten, por razóns de lexitimidade democrática, carácter de suxeito político e xurídico soberano".

Fonte: http://www.sermosgaliza.com/artigo/internacional/o-goberno-espanol-ameaza-con-levar-ao-constitucional-a-declaracion-de-soberania-pactada-por-ciu-e-erc/20130111192601009436.html