O BNG publicará os patrimonios dos seus deputados na web

Primeiro foron os populares e, agora, son os nacionalistas do BNG os que decidiron facer pública as declaracións de todos os seus deputados. Unha información que facilitarán a través da súa web esta mesma semana. Así o anunciou o seu portavoz parlamentario, Francisco Jorquera.

Esta medida entrará en vigor antes de que se produza a reforma  lexislativa do Regulamento do Parlamento, que os grupos se comprometeron a levar a cabo a finais da lexislatura pasada para que fose un imperativo legal a publicación das declaracións de bens e patrimonios.

Diferencias

Con todo, a principal diferenza entre o que se publicará no Parlamento e na páxina web do BNG é que, nesta última, incorporaranse as declaracións que os deputados fan como tal, mentres que na da Cámara, os deputados deben cumprimentar un formulario cos resultados das súas declaracións.

Con todo, a viceportavoz do Grupo do PPdeG, Marta Rodríguez Arias, asegurou que se poderá "comprobar" que os datos que se requiren no formulario que se enviou ás súas señorías --e que é voluntario-- son máis completos que ao que obriga o trámite ante a Comisión do Estatuto.

Noticia orixinal: http://galiciaconfidencial.com/nova/13679.html?utm_source=dlvr.it&utm_medium=twitter