Simpatizantes do PP erguen o dedo cara @s estafad@s das preferentes

Alí onde hai un mitin do PP hai unha concentración de persoas afectadas na fraude das participacións preferentes. Contar cóntanse por miles. En concreto, 100 mil no total na Galiza e 45 mil de Novagalicia Banco--, mais mobilízanse en pequenas plataformas repartidas polas comarcas. Esta quinta feira tocou facer campaña conservadora en Compostela, e alí estiveron, "como moscas", decenas de estafad@s berrando consignas e soportando os improperios d@s simpatizantes do PP.

Tres horas na beirarrúa de enfronte
"Botamos alí desde as nove até as doce da noite. Feijóo chegou tarde e entrou pola porta de atrás, como os ratos. Mandáronnos unha inxente cantidade de policías que nos impediron asistir ao acto como cidadáns libres que somos.

Namentres o resto de forzas políticas nos acollen ben e nos sentan na primeira fila, levemos camisolas ou levemos faixas, e fan continuas referencias á estafa e ao RD español, para o PP o das preferentes non é tema de mitin".

Quen fala é Jesús Domínguez, voceiro da plataforma de afectad@s en Compostela. Fixo parte da comitiva colocada esas tres horas na beirarrúa de enfronte ao hotel Araguaney, na zona nova de Compostela, "que diante da porta non nos deixaron estar".

Noticia completa: http://www.sermosgaliza.com/artigo/economia/simpatizantes-do-pp-erguen-o-dedo-cara-s-estafad-s-das-preferentes/20121019141806006598.html