Os sindicatos, de novo no punto de mira dos plans encamiñados, a priori, a "racionalizar" a Administración. A crise económica é presentada dende hai meses como o marco perfecto para, dende determinadas latitudes ideolóxicas, pasarlles a tesoira aos dereitos, marxes de manobra e apoios institucionais ás organizacións que representan os traballadores e traballadoras. Con voces destacadas como a ex presidenta de Madrid, Esperanza Aguirre, ou o ministro de Facenda, Cristóbal Montoro, os gobernos do PP veñen prometendo e executando diversas medidas restritivas cara ás centrais sindicais, moitas delas acollidas cunha mestura de ledicia e novas esixencias dende a prensa máis conservadora. Isto aconteceu, por exemplo, coa redución dos coñecidos como liberados sindicais decretada polo Goberno central, que a Xunta fixo súa retallando 120 representantes, a maioría en educación. Esta semella ser a liña na que os populares pretenden afondar na Administración galega no caso de revalidaren a súa maioría absoluta, a xulgar polas súas propostas electorais.
Noticia completa: http://praza.com/politica/2347/o-pp-planea-minimizar-os-sindicatos-nas-negociacions-de-persoal-da-xunta/
No hay comentarios:
Publicar un comentario