Miles de traballadores do naval cortan o tráfico en Ferrol

Uns 3.000 traballadores de Navantia e de empresas auxiliares do naval, iniciaron sobre as 10.30 horas unha manifestación para reclamar solucións para o sector naval coa que cortan o tráfico desde as 11.00 deste xoves na zona da avenida de Esteiro fronte ao edificio de Facenda.

Os traballadores realizan dúas horas de paro laboral para reclamar a construción do dique flotante e para pedir explicacións sobre os contratos con Pemex, así como para protestar pola ausencia de partidas para o sector naval nos Orzamentos Xerais do Estado (PGE).

Precisamente, fronte ao edificio de Facenda fixeron unha queima simbólica dun documento dos Orzamentos estatais. Ás 23.00 horas, os traballadores levarán a cabo unha concentración de protesta na Praza de Armas, coincidindo co inicio da campaña electoral.

Aínda que non foi recoñecida a autoría por parte de traballadores do sector naval, ás 5.00 horas da madrugada tivo lugar unha queima de pneumáticos na zona da Trincheira que provocou un corte de tráfico e obrigou a intervir aos bombeiros de Ferrol.

Noticia completa: http://www.europapress.es/galego/noticia-miles-traballadores-do-naval-cortan-trafico-ferrol-nunha-manifestacion-reclamar-dique-flotante-20121004122455.html