Folga xeral e manifestacións estudantís para o vindeiro día 11 en Galicia

A campaña tamén terá os estudantes na rúa. Varias organizacións estudantís e xuvenís do Estado, entre elas as galegas Liga Estudantil, Comités e Agir, convocan para o vindeiro 11 de outubro o Día Internacional de Loita Estudantil, unha xornada na que pretenden "protestar contra as reformas e recortes levados a cabo nos últimos meses na educación" e "reivindicar a soberanía dos pobos", e na que os tres colectivos convocan unha folga xeral no ensino universitario e medio do país.

As tres organizacións galegas convocaron este mércores unha rolda de prensa para presentar unha xornada de protesta motivada polos "recortes, reformas e diminución de dereitos sociais, políticos e culturais" aplicados aproveitando "a escusa dunha crise creada polos mesmos que están a xestionar o poder desde diferentes marcos". "Estannos levando a un sistema escravista, onde os ricos son máis ricos e os pobres son máis pobres", explican.

Noticia completa: http://praza.com/ciencia-e-tecnoloxia/2214/folga-xeral-e-manifestacions-estudantis-para-o-vindeiro-dia-11-en-galicia/