A prisión outros tres detidos vinculados con Resistencia Galega

Catro dos cinco detidos en Vigo na operación levada a cabo pola Forzas de Seguridade do Estado xa foron enviados a prisión. O xuíz da Audiencia Nacional Pablo Ruz ordenou o pasado martes o ingreso no cárcere de Carlos Calvo Varela —membro do Consello de Redacción do Novas da Galiza— por presunta participación en banda armada. Agora o maxistrado ditou a orde para os outros tres detidos tamén por presunta "posesión de explosivos" e "pertenza a organización terrorista".

Segundo os informes da operación levada a cabo pola Garda Civil e a Policía Nacional de xeito conxunto, os catro detidos planeaban presuntamente un atentado "inminente" en nome da organización independentista Resistencia Galega e portarían, supostamente, material explosivo no momento da súa detención.

Ademais, o xuíz atribúe a un dos detidos a colocación de artefactos explosivos nun repetidor no monte Sampaio de Vigo, desactivados pola Policía o pasado 7 de agosto, caso que investiga o Xulgado Central de Instrución número 6 da Audiencia Nacional.

Como xa informou GC, Novas da Galiza vén de denunciar "o aberrante dumha legislaçom que permite anos de cadeia para pessoas sem serem julgadas" e lembra que outro dos seus membros, Antom Santos, está na cadea dende decembro, acusado tamén de pertencer a Resistencia Galega.

A publicación asegura que os detidos son "vítima da excepcionalidade que o Estado reserva para quem se atreve a pôr em dúvida a sua orde constitucional".

Noticia completa: http://galiciaconfidencial.com/nova/11586.html?utm_source=dlvr.it&utm_medium=twitter