Os Comités Abertos remitiron hoxe aos medios unha foto dun cartel publicado no taboleiro de anuncios nun centro público de Lugo. O colectivo de estudiantes alerta que "esta aberración" é produto da nova lei do ensino, a polémica Lei Wert. Esta norma recupera a consideración de Relixión como unha materia máis, que contará por exemplo para o reparto de bolsas.
"Estamos ante unha auténtica ofensiva e unha aberración que consiste en entregarlle un cheque en branco á Igrexa Católica para facer o que queira no ensino", argumentan os mozos. Comités asegura que se está a violar "o principio democrático da laicidade inexcusábel das institucións públicas".
O colectivo censurou o nome do profesor que supostamente prometeu un 10 para captar estudantes. Agora ben, os Comités sinalan que "non teremos ningún problema en trasladarlle á Inspección Educativa o nome da persoa de contacto, docente do Instituto público de Lugo en cuestión, que aparece no cartaz da fotografía".
Noticia completa: http://www.galiciaconfidencial.com/nova/14561.html?utm_source=dlvr.it&utm_medium=twitter
No hay comentarios:
Publicar un comentario