Así o adiantou esta tarde a emisora galega da Cadena Ser, que tivo acceso a documentación das antigas caixas que acabaron conformando Novagalicia Banco. “As preferentes son a nosa empresa; debemos estar totalmente convencidos do que vendemos, senón é que temos dúbidas sobre a nosa empresa", di outra das aseveracións ás que fai referencia a canle de radio, que destaca ameazas como estas que saían da dirección de Caixa Galicia.
Precisamente, a antiga caixa de aforros con sede na Coruña destacaba nunha desas comunicacións aos seus traballadores que as preferentes tiñan "unha importancia vital" para a empresa porque lle ía achegar á entidade "a solvencia necesaria". Así, e en abril de 2009, a dirección amosa a súa preocupación polo "parón sufrido na contratación" das devanditas preferentes e deciden presionar os directores das sucursais e os empregados para que incrementen as vendas.
Ademais, e tal e como destaca a Cadena Ser, nese mesmo ano e con dúbidas xa sobre a solvencia das caixas, a dirección repartiu un argumentario entre o cadro de persoal sobre as participacións preferentes. Incluso se aclaraban as respostas que habería quedar en caso dalgunhas preguntas. Por exemplo, á de por que Caixa Galicia paga un 7,5% de interese debíase responder que "se trata dun produto que premia a fidelidade" dos clientes.
No hay comentarios:
Publicar un comentario