As execucións hipotecarias soben un 23% en Galicia até setembro

Os desafiuzamentos seguen a ser un drama en Galicia. Segundo os últimos datos difundidos polo Consello Xeral do Poder Xudicial (CGPJ), os procedementos de desaloxo de vivendas, locais ou fincas presentados nos xulgados até setembro ascenderon no país a 1.366, o que supón un lixeiro descenso do -7,4% con respecto ao mesmo período de 2011, onde a cifra chegou ao 1.469 e a 1.885 a finais de ano. No conxunto do Estado, pola contra, os desafiuzamentos nos nove primeiros meses de 2012 alcanzaron os 49.702, un record desde que se difunden estes datos e un 15,9% máis que os rexistrados nos tres primeiros meses de 2011.

Pola contra, o que si se incrementan en Galicia son as execucións  hipotecarias, o proceso previo ao desaloxo, xa que aumentan nun 23% fronte ao 18,3% do conxunto do Estado.

O ritmo de desafiuzamentos no Estado amainou un pouco, ao pasar de 18.668 no segundo trimestre aos 12.610 do terceiro, segundo a estatística sobre o efecto da crise nos órganos xudiciais que elabora o CGPJ. En Galicia, o número de desaloxos no segundo trimestre de 2012 foi de 531, fronte aos 308 dos tres meses seguintes, un pequeno descenso que non diminúe en case nada o drama de milleiros de familias. Así, a media é de máis de cen desafiuzamentos á semana.

Noticia completa: http://praza.com/movementos-sociais/3135/as-execucions-hipotecarias-soben-un-23-en-galicia-ate-setembro/