Ministério do Interior usa fotos de arquivo para manipular informacion sobre detencions

Poucas horas após a detençom de ativistas sociais em Narom, o Ministério do Interior espanhol pom em funcionamento o seu aparelho de desinformaçom.

À nota de imprensa sobre a que já noticiamos neste diário (e reproduzida quase literalmente por todos os meios comerciais, como é habitual sem contrastar a informaçom com fontes próximas das pessoas detidas) soma-se umha montagem ainda mais descarada, perpetrada polo Ministério do Interior espanhol através da sua conta no twitter.

Assim, ao longo da manhá de hoje o organismo espanhol acompanhou as informaçons sobre a detençom de independentistas com fotografias de elementos que a polícia já assegurou ter incautado a 30 de novembro de 2011, na açom que naquela altura levou à cadeia quatro ativistas, acusados de pertença à "Resistência Galega".

À esquerda e ilustrando este artigo, tweet difundido ontem polo Ministério do Interior espanhol sobre a detençom de dous ativistas em Narom

Noticia completa: http://www.diarioliberdade.org/artigos-em-destaque/409-repressom-e-direitos-humanos/32587-minist%C3%A9rio-do-interior-usa-fotos-de-arquivo-para-manipular-informa%C3%A7om-sobre-deten%C3%A7ons.html