A desigualdade en España, no nivel máis alto da democracia

A crise e, sobre todo, as políticas de austeridade sen concesións están a pasar factura a España. A desigualdade está no nivel máis alto da democracia; uns niveis de desigualdade tan altos que en Europa só atopan parangón con Lituania e Bulgaria. Constátao un estudo da Fundación Alternativas que alerta sobre unha brecha social que non deixou de crecer nos últimos anos.


"A tendencia é inequívoca, en todos os países da OCDE aumentou a desigualdade desde os anos oitenta", asegura Luís Ayala, catedrático de Economía na Universidade Rei Carlos e un dos autores do informe. En España esa desigualdade avanzou de forma fulgurante nos últimos anos: nos dous primeiros anos da crise, o índice de Gini -a diferenza entre os que máis teñen e os que menos- aumentou un 10%.

"A retardación da actividade económica e o vertixinoso aumento do desemprego deron lugar ao maior aumento da desigualdade desde que se dispón de información anual sobre os ingresos dos fogares. Os fogares con menos ingresos foron tamén os que durante o desenvolvemento da crise viron máis minguados os seus recursos. O contrario, con todo, parece suceder nos fogares máis ricos, que rexistran os maiores incrementos", di o informe. A primeira parte da recesión tería, por tanto, "un efecto regresivo" sobre a distribución das rendas, o que ocasionaría o aumento da desigualdade "sensiblemente superior ao rexistrado en media polos países da Unión Europea".

Noticia completa: http://praza.com/economia/3866/a-desigualdade-en-espana-no-nivel-mais-alto-da-democracia/