Os galegos, entre os que menos cobran do Estado

20.241,99 euros. Ese é o salario medio dos traballadores galegos en 2012, 2.548 euros menos que a media do resto dos traballadores do Estado.

Uns datos que deixan a Galicia na cola do Estado. Só Canarias, onde de media de ingresos é de 19.315,56 euros por actividades laborais, é inferior á galega. Á fronte do ranquing; Euskadi, Madrid e Cataluña.

Homes e mulleres

Segundo datos do INE, hai grandes diferenzas entre os ingresos dos homes e as mulleres, que cobran 4.935,1 euros menos. Así, mentres os homes cobran 22.626,21 euros brutos, as mulleres perciben 17.691,11 euros.

O salario medio bruto medio do traballador español alcanzou os 22.790,20 euros en 2010, fronte aos 29.811,67 euros do sector público. O sector privado, pola súa banda, presentou un salario medio de 21.231 euros, un 6,8% inferior á media anual.

Directores e electricistas

Mentres, o salario anual dos directores e xerentes superou amplamente os 50.000 euros en 2010, excedendo así nun 148,8% o salario medio do pasado ano.

Os electricistas, e técnicos de gas e aire acondicionado son os que máis cobran; 48.803,35 euros por traballador de media ao ano. Pola contra, os traballadores da hostalaría, con 14.629,55 euros, e os administrativos e auxiliares, con 15.682,32 euros, son os que menos cobran.

Noticia completa: http://galiciaconfidencial.com/nova/11970.html?utm_source=dlvr.it&utm_medium=twitter