Mario Conde agrede a un mozo de 14 anos á saída do mitin no Barco

Conde falou da centralización do estado e sobre a democracia e a corrupción de outros partidos. Asemade, asegurou que a política de inmigración “debería ser máis dura pois nestes momentos non hai traballo para os españois”. Foi esto o que menos gustou a A.D.C., de 14 anos e fillo dunha dominicana, que asistía con dous amigos “para ver ao famoso”, asegurou.

O enfado do mozo fíxolle agardar por Conde á saída, onde, acompañado dos seus dous amigos comezaron a berrarlle “ladrón, vaite de aquí” e “o único corrupto es ti”. Os berros incomodaron claramente ao líder de SCD que lles dixo “vaite para a túa casa”, máis nas súas filas trataron de calmalo apurando o paso mentres que o seu amigo barquense e Garda Civil rifaba aos rapaces.

Os adolescentes decidiron seguir aos recén encetados políticos coas mesmas consignas, co que Mario Conde decidiu espetarlle unha labazada a A.D.C. ademais de collelo polo pescozo para darlle un empurrón.


Noticia completa: http://www.sermosgaliza.com/artigo/eleccions2012/mario-conde-agrede-a-un-mozo-de-14-anos-a-saida-do-mitin-no-barco/20121012084741006216.html