A falsa solvencia da Galicia de Feijóo: nin saneada nin mellor que o Estado

"É falso que a Galicia lle fose mellor durante a crise e é unha mentira das grandes que o déficit e a solvencia no país tamén fosen mellor". Con contundencia, con brevidade e achegando datos do INE ou do Banco de España, o economista Manuel Lago fixo balance económico da lexislatura de Feijóo nos tres anos e pico que leva gobernando a Xunta.

"Galicia retrocedeu durante o Goberno Feijóo en dez anos en canto ao PIB, o emprego e o benestar"

Fíxoo nun coloquio o pasado venres con estudantes na Facultade de Socioloxía da Coruña. O obxectivo: desmontar a tese que fala da teórica solvencia e bo facer do Goberno galego nunha Galicia que, como recorda Lago, "retrocedeu durante o último Executivo do PP en dez anos en canto ao PIB, o emprego e o benestar". Malia as continuas alusións do PP e do seu candidato ao control do "déficit" e aos "deberes feitos" que lle permitirían conseguir a recuperación nos vindeiros anos, o prestixioso economista teno claro. "Galicia ten unha economía en dobre recesión, unha crise en W e inédita".

Pero non o ten claro só el, senón os datos que corroboran cada un dos argumentos de Lago, que recoñece que a crise golpeou forte en todos os territorios de España, pero que insiste en que "Galicia perdeu o seu diferencial positivo con respecto ao Estado". E foi, como engade, por culpa dos recortes de Feijóo. "No que ten razón o presidente da Xunta é en que el comezou primeiro a facer axustes". Pero fixo tantos e sobre sectores tan sensibles, que lastrou a economía e a recuperación ata límites históricos.

Noticia completa: http://praza.com/economia/2416/a-falsa-solvencia-da-galicia-de-feijoo-nin-saneada-nin-mellor-que-o-estado/