A CIG embarga bens no despacho dun alto cargo do PP por impagos a unha traballadora

A CIG vén de proceder ao embargo de bens do despacho Iravedra Ingeniería S.L, ubicado na Rúa Río Sil de Lugo. A acción do sindicato nacionalista adoptouse pola negativa reiterada do propietario do gabinete, José Luis Iravedra Lestal a pagar os 5.000 euros que adebeda a unha traballadora malia existir unha sentenza xudicial firme que lle obriga a iso.

Perante esta negativa, a CIG optou por embargar bens do gabinete para proceder á subasta dos mesmos coa finalidade de destinar o recadado nela a esta traballadora.

"Actitude chulesca"

Para a central nacionalista, a actitude de Iravedra non é unha novidade, pois xa anteriormente estivo en procesos xudiciais por motivos semellantes. A negativa a aboar os 5.000 euros, ademáis, responde a unha "actitude de chularía e prepotencia" pois, sinala a CIG, "esa cantidade non é tan alta como para que non poida facerse cargo dela mais si que supón unha cuantía moi importante para a traballadora".

Noticia compelta: http://www.sermosgaliza.com/artigo/economia/a-cig-embarga-bens-no-despacho-dun-alto-cargo-do-pp-por-impagos-a-unha-traballadora/20121017124804006466.html