Aumentan os delitos contra os dereitos dos traballadores

Os delitos contra os dereitos dos traballadores aumentaron dun xeito notábel en Galicia no ano 2011. Segundo os datos da memoria da Fiscalía Xeral do Estado correspondente ao ano pasado, en Pontevedra incoáronse 170 dilixencias fronte ás 99 do ano anterior, o que supón unha suba do 71,7%, colocando a esta provincia á cabeza nas infraccións contra os dereitos laborais.

A Fiscalía tamén salienta o "notable incremento" deste tipo de delitos na provincia da Coruña, na que aumentaron un 57%.

Lugo e Ourense tamén experimentaron un aumento importante destas infraccións. Na provincia lucense pasouse de 7 dilixencias incoadas durante o ano 2010 ás 35 do ano 2011, a maioría destas referidas a delitos cometidos contra a seguridade e hixiene no traballo, que pasaron de 2 a 22 procedementos.

A memoria da Fiscalía non destaca ningún dato sobre a provincia de Ourense no referente a este tipo de delitos.

Esta suba racha coa tendencia á baixa do ano 2010, cando se produciu unha baixada porcentual do 67,9% na Coruña, do 80,6% en Lugo e do 49% en Pontevedra (tampouco sa salientan datos de Ourense para os delitos contra os dereitos dos traballadores).

Noticia completa: http://galiciaconfidencial.com/nova/11575.html?utm_source=dlvr.it&utm_medium=twitter