Unha hora menos na Galiza?

Chegou a última fin de semana de marzo, tempo de mover as agullas do reloxo cara adiante, facendo que os sesenta minutos que van das dúas ás tres da madrugada deste domingo non existan.


O obxectivo é adaptármonos ao horario de verán cunha medida que se aplica en todos os países da Unión Europea de xeito indefinido desde o ano 2001, en virtude dun suposto aforro enerxético que o Instituto para a diversificación e o aforro enerxético cifra en 300 millóns de euros. Porén, Galiza aforra realmente co cambio de hora?

Convencido de que o verdadeiro aforro enerxético chegaría aplicando un fuso horario galego á hora natural do País, a mesma que a de Portugal, Inglaterra, Escocia, Irlanda ou Canarias, o militante do BNG Lito Prado elevou a proposta á asemblea nacional da formación frontista no ano 2006, e foi aprobada por unanimidade. Reclamaba para Galiza unha hora menos que no Estado español.

Artigo completo: http://www.sermosgaliza.com/artigo/social/unha-hora-menos-na-galiza/20130330201839013103.html