sábado, 13 de abril de 2013
Seis de cada dez fogares galegos teñen dificultades para chegaren a fin de mes
A crise está facendo estragos nos fogares galegos: seis de cada dez teñen dificultades ou moitas dificultades para chegar a fin de mes (un 64% do total), segundo datos do Instituto Galego de Estatística (IGE) do primeiro trimestre de ano.
O número de fogares galegos que pasan "moitas dificultades" triplicouse nun ano, até chegar ao 17,83%, cando nos primeiros tres meses de 2012 era o 6,5%. En comparación co cuarto trimestre de 2012, a cifra de fogares con moitas dificultades subiu case seis décimas, xa que entón era o 17,26%.
Amais, actualmemte máis de catro de cada dez fogares (o 46,05% do total) recoñecen dificultades para chega a fin de mes e máis de tres de cada dez (o 36,12%) aseguran chegar a final de mes con facilidade ou moita facilidade.
A enquisa do IGE tamén reflicte que un 28,37% dos fogares galegos non se permitiu ningún gasto extra nos últimos tres meses, o que supón diminuír a porcentaxe tanto en taxa intertrimestral e interanual, pois un 31,65% dos fogares non se permitiu ningún extra no último trimestre de 2012 e un 31,46% tamén se privou de calquera extra o primeiro trimestre do ano pasado.
Noticia completa: http://galiciaconfidencial.com/nova/13966.html?utm_source=dlvr.it&utm_medium=twitter
Suscribirse a:
Enviar comentarios (Atom)
No hay comentarios:
Publicar un comentario