Os datos fiscais de Rajoy non cadran cos ingresos que declarou no Congreso dos Deputados

Os datos fiscais do presidente do Goberno non coinciden coa súa declaración de ingresos depositada no Congreso dos Deputados. O último dato enviado por Rajoy á Cámara Baixa é de 2010. Nese documento, Rajoy declara recibir 98.225 euros do Partido Popular en concepto de dietas e gastos de representación. Con todo, na declaración publicada na web de Moncloa a cifra é moito máis alta: 181.098 euros.


Non é o único desfasamento entre as cifras presentadas polo presidente. Mentres Rajoy declarou ao Congreso unhas retencións de 87.651 euros, no documento aloxado na web do Congreso as retencións declaradas ofrecen unha cifra distinta: 86.951 euros. As cifras presentadas por Rajoy a Facenda e ao Congreso non coinciden.

Fontes oficiais de Moncloa consultadas por eldiario.es sinalan que a explicación podería ser que Rajoy declarou ao Congreso ingresos netos e a Facenda os brutos. Con todo, a diferenza entre ambas as cifras é de case 100.000 euros que Rajoy percibía do PP e dos que nada dixo ao Congreso dos Deputados, segundo o cotexo da nova documentación publicada.

Noticia completa: http://praza.com/politica/3556/os-datos-fiscais-de-rajoy-non-cadran-cos-ingresos-que-declarou-no-congreso-dos-deputados/